Mae gennyf anti sydd yn byw yr ochor draw i'r dŵr
Anti Henrietta o Chicago
A phan ddaw atom i roi tro, 'rwy'n ofni'i gweld, bid siwr,
Anti Henrietta o Chicago.

Dyw Henrietta byth yn dweud "Shw mae” neu "Helo",
Anti Henrietta o Chicago;
Ond dyry glamp o gusan i'r holl deulu yn eu tro.
Anti Henrietta o Chicago.


CYTGAN:
Hen fenyw ffein ydyw hon, cofiwch chi,
Hen fenyw garedig, a llawn o hwyl a sbort a sbri,
Ond pan ddaw atom i roi tro, 'rwy'n treio cadw draw,
Anti Henrietta o Chicago

Peth cas yw derbyn cusan pan foch chi yng nghanol crowd,
Anti Henrietta o Chicago;
Ond dyna arfer Anti, ac fe'i gwna yn eithaf prowd.
Anti Henrietta o Chicago;

Ni waeth pa beth a wisgaf i, ai rhacs ai cordiroi,
Anti Henrietta o Chicago;
Fe ddyry Anti gusan mawr gan ddwedyd "Lovely boy"
Anti Henrietta o Chicago;

CYTGAN

Pan af a hi i ddal y tren, i'r gorsaf yn y trap
Anti Henrietta o Chicago
O flaen y guard a'r swancs i gyd, mae'n rhoddi cusan, slap!
Anti Henrietta o Chicago

CYTGAN


(C) Cyhoeddiadau Sain